Peresdan «bomba»: «Real» yozda 5 nafar yulduzni xarid qilmoqchi

«DonBalon» nashriga ko'ra, «Real» prezidenti Florentino Peres yozda katta transferlarga tayyorgarlik ko'rmoqda.

Manbaga ko'ra, Peres 5 nafar yulduzni sotib olishni mo'ljallagan. Birinchi navbatda jamoaning o'yini uning atrofida quriladigan yulduz futbolchi xarid qilinadi, bu «PSJ» hujumchilari — Neymar yoki Mbappe bo'lishi kutilmoqda. Bundan tashqari, Peres 4 ta chiziqni kuchaytirmoqchi: markaz va qanot himoyasi, shuningdek, markaziy yarim himoya va yaqqol hujumchi. «Real»ning ro'yxatidan quyidagi futbolchilar o'rin olgan: Milan Shkrinyar ("Inter"), Matteys de Ligt ("Ayaks"), David Alaba ("Bavariya"), Adrian Rabo(PSJ), Kristian Eriksen ("Tottenxem"), Frenk de Yong ("Ayaks") va Xarri Keyn ("Tottenxem").