"Real" Mbappening transfer amalga oshmasa, klub obro'siga putur etkazmasligi uchun uni rad etgani haqida ma'lumot tarqatdi

Madridning "Real" klubi hamon Kilian Mbappening transferiga qiziqish bildirmoqda.

Kecha Ispaniyaning Cadena SER radiosi Madrid klubi hujumchi "PSJ"dan erkin agent sifatida ketgan taqdirda ham shartnoma imzolamasligi haqida xabar berdi. "Real Madrid" Kilianning moliyaviy talablari, yoshi va 2022 yilda "PSJ" bilan shartnomasini uzaytirish qarori tufayli uning xizmatlaridan bosh tortgani da'vo qilingan edi.

Biroq, bu ma'lumot to'liq ishonchli emas, deb yozadi RMC Sport nashri. Frantsuz nashrining yozishicha, “Real” rahbariyati Mbappening rad javobi haqidagi ma'lumotni kelajakda transfer muvaffaqiyatsizlikka uchragan taqdirda klub obro'siga putur etkazmasligi uchun tarqatgan. Shu bilan birga, madridliklar hamon forvardni tekinga o'z safiga qo'shib olishdan manfaatdor.

Qayd etilishicha, “Real” ispan OAVlari yozayotgan salbiy omillarni rostdan ham hisobga oladi. Biroq klub prezidenti Florentino Peres Mbappeni qabul qilishga hali ham tayyor.

Frantsiyalik futbolchining "PSJ" bilan shartnomasi joriy mavsum oxirigacha amal qiladi.