APLning ikki klubi "Napoli" futbolchisini tekinga qo'lga kiritmoqchi

Ikki ingliz klubi "Napoli" yarim himoyachisi Pyotr Zelinskiga ko'z tikmoqda. Uning neapolliklar bilan shartnomasi mavsum oxirida yakuniga etadi.

Il Corriere dello Sport nashri xabariga ko'ra, "Liverpul" va "Vest Xem" polshalik futbolchini kelasi yozda erkin agent sifatida qo'lga kiritishmoqchi.

Zelinski "Napoli" bilan shartnomasini uzaytirishdan yiroqda. Hozircha hammasi yarim himoyachi jamoani erkin agent sifatida tark etadigan darajaga etdi.

Eslatib o'tamiz, o'tgan yozda Zelinski Saudiya Arabistoniga ko'chib o'tishga yaqin qolgandi, ammo kelishuv so'nggi lahzada barbod bo'ldi.

Joriy mavsumda Zelinski Italiya A Seriyasida 11 ta o'yinda maydonga tushdi.