"Atalanta" futbolchisiga Evropaning uchta top-klubi qiziqish bildirmoqda

"Atalanta" yarim himoyachisi Tyon Kopmeyners mavsum davomida klubini o'zgartirishi mumkin.

Niderlandiyalik futbolchi yozda Bergamo jamoasini tark etishi mumkin edi, ammo klub rahbariyati asosiy futbolchini qo'yib yuborishni istamadi.

Jurnalist Ekrem Konurning xabar berishicha, yanvar oyida "Nyukasl", "Yuventus" va "Inter" Kopmeynersni sotib olishga harakat qilishga tayyor. Transfermarkt portali 25 yoshli futbolchining narxini 35 million evroga baholamoqda.

Joriy mavsumda Kopmeyners "Atalanta" safida barcha turnirlarda 12 ta o'yin o'tkazib, 3 ta gol va 2 ta golli uzatmani amalga oshirdi.