"Real" "Chelsi" himoyachisiga ko'z tikmoqda

"Chelsi" himoyachisi Ris Jeyms Angliyani tark etib, Ispaniya La Ligasiga ko'chib o'tishi mumkin. Unga "Real" qiziqish bildirmoqda.

DeadlineDayLive nashri xabariga ko'ra, "qirollik klubi" o'ng qanot himoyachi sotib olmoqchi. "Ko'klar", o'z navbatida, jamoaning etakchi o'yinchilaridan biri bilan xayrlashishni xohlamaydilar.

Joriy mavsumda 23 yoshli himoyachi APLning uchta uchrashuvida ishtirok etdi. Hozirda u jarohatidan tuzalmoqda.

Jeymsning "ko'klar" bilan shartnomasi 2028 yilning o'rtalariga qadar tuzilgan. Transfermarkt portali uning narxini 55 million evroga baholamoqda.