"Real" Arrisabalagani "Chelsi"dan sotib olmoqchi

Madridning "Real" klubi Kepa Arrisabalagani ijara muddati tugaganidan keyin “Chelsi”dan sotib olishni rejalashtirmoqda, deya xabar bermoqda The Sun nashri.

Manba bergan xabarga ko'ra, "Qirollik klubi" 29 yoshli ispaniyalik darvozabon uchun 20 million evrodan ko'p bo'lmagan pul taklif qilishga tayyor. Madridliklar rahbarlari shartnomaga o'z darvozaboni Andrey Luninni kiritish variantini ko'rib chiqmoqda.

Joriy mavsumda Kepa "Real" safida barcha musobaqalarda 11ta o'yin o'tkazib, 9ta gol o'tkazib yubordi. Darvozabonning "Chelsi" bilan shartnomasi 2025 yilning iyun oyi oxirigacha amal qiladi. Transfermarkt internet portaliga ko'ra futbolchining taxminiy narxi 18 million evroni tashkil qiladi.

Eslatib o'tamiz, Kepa tizzasidan olgan jarohati tufayli uzoq muddat maydonga tusha olmayotgan Tibo Kurtuaning o'rniga ijaraga olingandi.