"Bayer" futbolchisiga APLning bir nechta klublari qiziqish bildirmoqda

Leverkuzenning "Bayer" klubi yarim himoyachisi Esekel Palasios Angliya Premer-ligasining bir qancha klublari qiziqishlari doirasida.

Avvalroq "Manchester Siti" argentinalik futbolchini yanvar oyida transfer qilish niyatida ekani haqida xabar berilgandi, biroq TNT Sports nashri ma'lumotlariga ko'ra, 25 yoshli yarim himoyachiga "Nyukasl" va "Aston Villa" ham qiziqish bildirmoqda.

Bu mavsum Palasios uchun Germaniya Bundesligasida beshinchi mavsum bo'ldi. Argentinalik futbolchi Xabi Alonso boshchiligida muvaffaqiyatga erishdi, bu esa Angliya Premer-ligasi klublarining qiziqishini uyg'otdi.

Palasios Germaniya Bundesligasining joriy mavsumida 9 ta o'yinda maydonga tushib, 2 ta gol va 2 ta golli uzatmaga mualliflik qildi.