«Everton» transferlar rekordini yangilamoqchi

“Lill” hujumchisi Nikolya Pepe yana bir APL klubining nazariga tushdi.

The Telegraph nashrining xabar berishicha, Pepe uchun kurashga “Everton” ham qo'shildi. Angliya klubi futbolchi uchun 65 mln evro to'lashga tayyor.

Ayni damda Pepening xizmatiga “Bavariya”, “Liverpul” va PSJ klublari qiziqish bildirmoqda.

Ma'lumot o'rnida, o'tgan mavsum Pepe “Lill” safida 38 ta o'yinda maydonga tushdi va 22 ta gol va 14 ta golga assisentlik qildi.