"Bavariya" gretsiyalik futbolchining transferidan voz kechdi

Myunxenning "Bavariya" klubi "Arsenal"ning sobiq himoyachisi Sokratis Papastatopulos bilan vaqtinchalik shartnoma imzolamaslikka qaror qildi. Bu haqda Bild nashri xabar tarqatdi.

Manba bergan xabarga ko'ra, dastlab myunxenliklar klubi rahbariyati gretsiyalik himoyachi bilan hamkorlik qilishga bel bog'lagan. Biroq, oradan biroz vaqt o'tgach, "Bavariya" rahbarlari mos futbolchi sotib olish uchun qishki transfer oynasigacha kutishga qaror qilishdi.

Sokratisning oxirgi jamoasi "Olimpiakos" edi. Himoyachi joriy yilning 1 iyulidan erkin agent sanaladi. O'tgan mavsumda Papastatopulos Gretsiya jamoasi safida barcha turnirlarda 31 o'yin o'tkazib, ikkita gol urgan.

Transfermarkt portaliga futbolchining taxminiy narxi 800 ming evroga baholamoqda.

Avvalroq, jurnalist Fabritsio Romano Sokratis Ispaniyaning "Betis" jamoasi bilan shartnoma borasida kelishib olgani haqida xabar bergandi.