Gvardiolaning maqsadi - Musialani "Manchester Siti"ga olib kelish

"Manchester Siti" bosh murabbiyi Pep Gvardiola o'z jamoasini kuchaytirish bilan shaxsan o'zi shug'ullanmoqda. Bu haqda Bayern & Germany nashri xabar bermoqda.

Manbaga ko'ra, ispaniyalik murabbiy Germaniya va "Bavariya" hujumchisi Jamol Musialani transfer qilishdan manfaatdor. Angliya top-klubi joriy mavsum oxirida futbolchi bilan shartnoma imzolashni rejalashtirmoqda.

"Bavariya" o'z navbatida 20 yoshli forvardni yo'qotishni istamayapti va unga yangi shartnoma taklif qilishga tayyor. Jamolning klub bilan amaldagi shartnomasi 2026 yilning yoziga qadar mo'ljallangan.

Transfermarkt hujumchining narxini 110 million evroga baholamoqda.