"Nyukasl" "Barselona" himoyachisini 70 million evroga sotib olishi mumkin

"Nyukasl" keyingi transfer oynasi uchun tarkibini kuchaytirish imkoniyatlarini o'rganmoqda. TodoFichajes nashri xabar berishicha, "Barselona" himoyachisi Jyul Kunde Premer-liga klubining nishonida turibdi.

Manbaga ko'ra, "Nyukasl" Kunde uchun 70 million evro taklif qilishi mumkin. Gap kelasi yilning yozgi transferi haqida ketmoqda.

24 yoshli Jyul Kunde o'tgan mavsum boshidan beri "Barselona"da o'ynamoqda. Frantsiyalik himoyachi klub safida 51 ta rasmiy o'yinda 2 ta gol urdi va jamoadoshlariga 6 ta golli uzatmani amalga oshirdi.

“Barselona” navbatdagi o'yinini 25 oktyabr kuni “Shaxtyor”ga qarshi o'tkazadi. Jyul Kunde o'ynamaydi - u jarohat olgan.