"Real" kelasi yilning yozida "Chelsi" sardorini o'z safiga qo'shib olishga harakat qiladi

"Real Madrid" kelasi yozda "Chelsi" himoyachisi Ris Jeymsni o'z safiga qo'shib olmoqchi.

Relevo nashri ma'lumotlariga ko'ra, "Real" rahbariyatining xohishiga qaramay, kelishuv hozir juda qiyin ko'rinadi.

Gap shundaki, Jeymsning “Chelsi” bilan shartnomasi 2027 yilning yoziga qadar tuzilgan. London klubi yaqinda o'z futbolchisiga sardorlik bog'ichini berdi, shuning uchun rahbariyat yaqin kelajakda Ris bilan xayrlashmoqchi emas.

Jeyms so'nggi mavsumlarda turli jarohatlarga duchor bo'ldi. Ayni damda ham Ris avgust oyida mashg'ulotlarda olgan jarohati tufayli ikki oyga yaqin vaqtga safdan chiqdi.