"Chelsi"da "Arsenal"ga qarshi o'yin oldidan 2 ta jiddiy yo'qotish bor

"Chelsi" katta yo'qotishlarga duch kelishi mumkin. Xabarlarga ko'ra, Maurisio Pochettino "Arsenal"ga qarshi uy o'yinida jamoa sardori Ris Jeyms hamda yarim himoyachi Karni Chukvuemekadan foydalana olmaydi.

Har ikki futbolchi jarohatlaridan to'liq sog'aya olmagani aytilmoqda. "Chelsi" APLdagi so'nggi ikki turda, mehmondagi bahslarda g'alaba qozongan edi.

Mikel Arteta boshchiligidagi "Arsenal" esa 8 turdan keyin 20 ochko to'plagan holda, turnir jadvalining ikkinchi o'rinida bormoqda. Eslatib o'tamiz, "Chelsi" va "Arsenal" o'rtasidagi bahs 21 oktyabrm kuni, Toshkent vaqti bilan 21:30 da start oladi.