Palinya qishda "Bavariya"ga o'tmoqchi, lekin myunxenliklar uning uchun 60 million evro to'lash niyatida emas

"Fulxem" himoyachisi Joau Palinya faoliyatini "Bavariya"da davom ettirmoqchi.

Sky Sports DE nashri xabariga ko'ra, yanvar oyida Myunxenga ko'chib o'tish 28 yoshli portugaliyalikning orzusi. Manbaning xabariga ko'ra, Palinya "Bavariya" kechikmasligiga va transfer oynasi boshida "Fulxem"ga taklif bilan chiqishiga umid qilmoqda.

Qayd etilishicha, nemis jamoasi hali yarim himoyachi borasida yakuniy qarorga kelmagan, biroq katta ehtimol bilan "Bavariya" kelasi qishda Palinya uchun 60-65 million evro to'lamaydi.

Joriy mavsumda Palinya barcha turnirlarda sakkizta uchrashuvda ishtirok etdi va bitta gol urdi.

Futbolchining "Fulxem" bilan amaldagi shartnomasi 2028 yilgacha mo'ljallangan. Transfermarkt portali Palinyaning narxini 55 million evroga baholamoqda.