"Manchester Siti" "Kristal Pelas" futbolchisini kuzatishda davom etmoqda

Angliya chempioni "Manchester Siti" Londonning "Kristal Pelas" futbolchisi Eberechi Ezeni kuzatishda davom etmoqda.

Football Insider nashri xabariga ko'ra, "Manchester Siti" kelajakda futbolchini qo'lga kiritishga qarshi emas va klub bosh murabbiyi Pep Gvardiola angliyalik vingerning iste'dodiga ashaddiy muxlislik qiladi.

Umuman olganda, Eze joriy mavsumda "burgutlar" safida barcha musobaqalarda 9 ta o'yinda maydonga tushib, 1 ta gol va ikkita golli uzatmani amalga oshirdi. Transfermarkt portali 25 yoshli futbolchini 48 million evroga baholamoqda.

Eslatib o'tamiz, avvalroq Manchester klubi Eze uchun "burgutlar"ga 70 million evro taklif qilgani haqida xabar berilgandi. Biroq taklif yozgi transfer oynasining so'nggi kunida bo'lgan.