"Milan" Gyulerni ijaraga olmoqchi

Madridning "Real" klubi yarim himoyachisi Arda Gyulerga “Milan” qiziqish bildirmoqda.

18 yoshli futbolchining "Qirollik klubi"ga moslashishi jarohatlar tufayli murakkablashdi. Jarohat tufayli turkiyalik futbolchi haligacha Karlo Anchelotti jamoasida birorta ham rasmiy o'yin o'tkazmagan.

Jurnalist Ekrem Konurning xabariga ko'ra, "Milan" yanvar oyida o'sib borayotgan yulduzni sotib olish optsiyasi bilan ijaraga olishni rejalashtirmoqda. Futbolchining o'zi mavsum davomida "Real"ni tark etishni istamayapti.

Eslatib o'tamiz, Arda Gyuler o'tgan yozda madridliklarga "Fenerbaxche"dan 20 million evro evaziga sotib olingandi. Transfermarkt portali hujumkor yarim himoyachining hozirgi narxini 15 million evroga baholamoqda.