Saudiyaning ikki klubi Immobileni o'z safiga qo'shib olmoqchi

Saudiya Arabistonining ikki klubi "Latsio" hujumchisi Chiro Immobileni sotib olmoqchi, deb xabar bermoqda Il Messaggero nashri.

Manbaga ko'ra, forvard yozda uni o'z safiga qo'shib olmoqchi bo'lgan "Ash-Shabab"dan taklif olgan. Italiyalik futbolchining xizmatlariga Rim klubidagi sobiq jamoadoshi Sergey Milinkovich-Savich o'ynayotgan "Al-Hilol" ham qiziqmoqda.

Immobilening Rim klubi bilan shartnomasi 2026 yilning 30 iyuniga qadar amal qiladi. Transfermarkt portali uni 15 million evroga baholamoqda.

Bungacha 33 yoshli futbolchi “Sevilya”, “Torino”, “Yuventus” va Dortmundning “Borussiya” klublarida o'ynagan.