Osimxenning "Chelsi"ga o'tishi nimaga bog'liqligi ma'lum bo'ldi

"Napoli" hujumchisi Viktor Osimxen "Chelsi"ning yanvar oyidagi transferlar oynasi uchun mo'ljallangan maqsadi, deya xabar bermoqda ESPN nashri.

Manbaga ko'ra, "ko'klar" nigeriyalik hujumchini, shuningdek, "Brentford" forvardi Ayvan Tonining nomzodini ko'rib chiqmoqda. Osimxenning transferi Toni bilan shartnoma imzolash bo'yicha muzokaralarning borishiga bog'liq bo'ladi.

"Napoli" o'z navbatida Viktorni jamoada saqlab qolmoqchi. Afrikalik futbolchiga Londonning "Arsenal" va "Real" klublari ham qiziqish bildirmoqda.

Osimxenning transfer narxi 120 million evroga baholanmoqda. Uning neapolliklar bilan shartnomasi 2025 yilning yozida yakuniga etadi.