"Bavariya" "Borussiya"ning frantsiyalik futbolchisini kuzatmoqda

Kouadio Kone "Bavariya"ga o'tishi mumkin.

Bild nashrining xabariga ko'ra, myunxenliklar vakillari Menxengladbaxning "Borussiya" klubi bilan bog'lanib, yarim himoyachining transferini muhokama qilishgan.

Hozircha Germaniya chempionlari futbolchining o'yinlarini kuzatishda davom etib, bu imkoniyatni baholashmoqda. Taxminlarga ko'ra, frantsiyalik futbolchini unchalik katta bo'lmagan summaga sotib olish mumkin, chunki uning shartnomasi 2025 yilning yoziga qadar mo'ljallangan.

Shu bilan birga, Rheinische Post gazetasining ta'kidlashicha, "Borussiya" shartnomani bir yilga uzaytirish imkoniyatiga ega.

Kone jarohati tufayli Bundesligada bu mavsumda atigi ikkita o'yin o'tkazdi.