APLning ikki klubi "Bavariya" himoyachisi uchun "Real" bilan raqobatlashishga tayyor

"Bavariya" chap qanot himoyachisi Alfonso Devis faoliyatini Angliya Premer-ligasida davom ettirishi mumkin.

Kanadalik futbolchining amaldagi shartnomasi 2024/25 yilgi mavsum oxirida tugaydi va futbolchining agenti yaqin orada klub o'zgarishi stsenariysi haqiqatan ham amalga oshishi mumkin ekanligini aytib o'tgan.

"Real Madrid" Devisga asosiy da'vogar sanaladi, ammo La Liga giganti Premer-liga vakillari bilan raqobatlashishga majbur bo'ladi.

90min nashri xabariga ko'ra, vaziyat "Manchester Siti" va "Chelsi" tomonidan diqqat bilan kuzatilmoqda, ular 22 yoshli futbolchini potentsial transfer maqsadlari ro'yxatiga kiritgan.

Transfermarkt portali Alfonso Devisning narxini 70 million evroga baholamoqda. "Bavariya" rahbariyati futbolchi bilan shartnomani uzaytirishni kutmoqda.