"Arsenal" yangi hujumchi topdi

Huquqlari "Vulverxempton"ga tegishli bo'lgan hujumchi Pedru Netu faoliyatini Angliya Premer-ligasining boshqa klubida davom ettirish imkoniyatiga ega. Bu haqda The Mirror nashri xabar bermoqda.

Manbaga ko'ra, 23 yoshli portugaliyalik forvard xizmatlariga Londonning "Arsenal" klubi qiziqish bildirmoqda. "Kanonirlar" rahbariyati futbolchini qishki transfer oynasida qo'lga kiritishga harakat qiladi.

Joriy mavsumda Pedru "bo'rilar" safida 7 ta o'yinda qatnashib, 1 ta gol va 4 ta golli uzatmani amalga oshirdi. Transfermarkt hujumchining narxini 28 million evroga baholamoqda.