Messi rahbariyatdan Modrichni jamoaga olib kelishini so'ramoqda

Xorvatiya terma jamoasi va Madridning “Real” klubi yarim himoyachisi Luka Modrich faoliyatini AQShda davom ettirishi mumkin. Lionel Messi o'ynayotgan "Inter Mayami" tajribali futbolchi xizmatiga qiziqish bildirmoqda.

"Messi shaxsan bu transferga qiziqmoqda. Luka allaqachon David Bekxem bilan uchrashgan, ular birga tushlik qilishgan", - dedi "Qirollik klubi"ning sobiq hujumchisi Predrag Miyatovich Carousel Deportivo nashriga bergan intervyusida.

Modrichning Madrid grandi bilan amaldagi shartnomasi kelasi yozda yakuniga etadi. Bu mavsumda Luka "Real Madrid"ning asosiy tarkibidagi barqaror o'rnini yo'qotdi. 38 yoshli xorvatiyalik futbolchi La Ligada 6 ta o'yin o'tkazib, bitta sariq kartochka oldi.