"PSJ"ning sobiq darvozaboni Frantsiyaning boshqa klubiga o'tmoqda

"PSJ"da o'ynagan 36 yoshli darvozabon Salvatore Sirigu Frantsiya chempionatiga qaytishga yaqin turibdi. Ijtimoiy tarmoq insayderi Nikolo Skiraning xabar berishicha, tajribali darvozabon "Nitstsa"ga o'tmoqda. Tomonlar muzokaralarning ilg'or bosqichida.

Taxminlarga ko'ra, Sirigu klub bilan 2023/2024 yilgi mavsum oxirigacha mo'ljallangan qisqa muddatli shartnoma imzolaydi.

"Nitstsa" Liga 1ning yangi mavsumini bitta g'alaba va uchta durang bilan boshladi. To'rt turdan keyin olti ochko jamg'argan jamoa turnir jadvalida sakkizinchi o'rinni egallab turibdi.