"Liverpul" JCh-2023da xet-trik qayd etgan futbolchi uchun rekord pul to'ladi

"Liverpul" "Roma" ayollar jamoasining norvegiyalik futbolchisi Sofi Xaug bilan shartnoma imzolab, transfer rekordini yangiladi, deb xabar bermoqda TEAMtalk.

So'nggi jahon chempionatida hujumchi Filippin terma jamoasiga qarshi o'yinda xet-trik qayd etgandi. Norvegiyaliklar pley-offga chiqishga muvaffaq bo'lishdi, ammo 1/8 final bosqichida yaponiyaliklarga 1:3 hisobida imkoniyatni boy berishdi. Milliy terma jamoa darajasida Sofi barcha o'smirlar va yoshlar jamoalarida o'ynagan va kattalar darajasida u 11 o'yin o'tkazib, sakkizta gol urgan.

"Roma"da 24 yoshli ayol futbolchi 2022 yilda 25 o'yin o'tkazib, 11 gol urishga muvaffaq bo'ldi. Ilgari Xaug Norvegiyaning "Kvinner" klubida o'ynagan.

Futbolchining transfer narxi qo'shimcha xarajatlarni hisobga olgan holda 117 000 evroni tashkil qiladi.

Ayollar Superligasining so'nggi mavsumida "Liverpul" klubi ettinchi o'rinni egalladi.