"Aybing - Rossiyada o'ynashing": "Ayaks" Rossiyada o'ynayotgan futbolchining transferidan voz kechdi

Amsterdamning "Ayaks" klubi "Krasnodar" futbolchisi Eduard Spertsyanni transfer qilishdan bosh tortdi, deya xabar bermoqda Fabritsio Romano.

Gap uning o'yin sifatlarida emas, Rossiyada o'ynashida. "Ayaks" sport direktori Sven Mislintat shunday fikr bildirdi:

"Gap uning qobiliyatida emas, balki Rossiyada o'ynaganida. "Ayaks" uchun u "Manchester Siti"da De Bryuyne kabi bo'lishi mumkin. O'ziga xos o'yinchi, pul uchun bunday odamni topa olmaysiz."

Eslatib o'tamiz, Eduard bilan shartnoma imzolamaslik haqidagi qarorni klub Kuzatuv kengashi qabul qilgan. Ularning fikricha, Ukrainadagi urush paytida Rossiyadan futbolchi sotib olish axloqsizlik bo'ladi.