«Roma» hujumchisi «Shanxay Shenxua»ga o'tdi

Xitoyning «Shanxay Shenxua» klubi «Roma» hujumchisi Stefan el-Sharaviyning transferini e'lon qildi.

Transfermarkt tarqatgan xabarga ko'ra, xitoyliklar futbolchi uchun 20 million evro to'lashgan. Italiyalik futbolchi «Shanxay Shenxua» bilan 3 yillik shartnoma imzolashgan.

Avvalroq 26 yoshli futbolchining yangi jamoasidagi yillik maoshi 13 million evro tashkil qilishi haqida xabarlar tarqalgandi.