"Sevilya" Bundesligadan futbolchi sotib olishga yaqin turibdi

"Shtutgart" himoyachisi Borna Sosa faoliyatini "Sevilya"da davom ettirishi mumkin.

Fabritsio Romanoning so'zlariga ko'ra, agar Markos Akunya transfer oynasi yopilgunga qadar ketsa, 25 yoshli xorvatiyalik futbolchi andalusiyaliklarning asosiy maqsadiga aylanadi.

Eslatib o'tamiz, "Aston Villa" bir necha haftadan beri argentinalik futbolchining transferi ustida ishlamoqda.

Sosa 2018 yilning iyulida Zagrebning "Dinamo" klubidan 6 million evroga sotib olingan.

Uning hisobida 115 ta o'yinda 5 ta gol va 35 ta golli uzatma bor.