"PSJ" "Al-Arabi" bilan Verratti borasida kelishuvga erishdi

"PSJ" klubi "Al-Arabi" bilan yarim himoyachi Marko Verratti borasida kelishuvga erishdi.

Jurnalist Santi Una xabariga ko'ra, klublar o'rtasida tovon puli borasida to'liq kelishuvga erishilgan. Avvalroq "PSJ" italiyalik futbolchi uchun 80 million evroga yaqin talab qilgandi.

"Al-Arabi" yaqin orada futbolchining o'zi bilan shaxsiy shartnoma shartlarini kelishib olishiga ishonch bildirmoqda. Eslatib o'tamiz, avvalroq Verratti "Al-Ahli" bilan shartnoma imzolamoqchi bo'lgan, u "PSJ" bilan tovon puli borasida kelishuvga erishmagan.

Verratti parijliklar bosh murabbiyi Luis Enrikening rejalariga kiritilmagan. "PSJ" 2012 yildan beri jamoada to'p surayotgan yarim himoyachini sotishga tayyor.