Ispaniya futbol federatsiyasi prezidentiga jazo tayinlandi

FIFA Ispaniya futbol federatsiyasi prezidentiga nisbatan intizomiy jazo qo'lladi. Xabarlarga ko'ra, Ispaniya futboli boshqaruv kengashi raisi Luis Rubiales Ayollar o'rtasidagi mundial finalida qilgan "axloqsizligi sababli" 90 kunga futbol va futbol bilan bog'liq ishlardan chetlatilgan.

Rubiales final taqdirlash marosimida chempion bo'lgan ayollar terma jamoasi a'zosidan "bo'sa olgan" edi. Shundan keyin u Ispaniya hukumati, klublar va ayollar futboli vakillari tomonidan tanqidga uchragandi.