"Manchester Siti" Lyaportning "An-Nasr"ga o'tayotganini tasdiqladi

Himoyachi Emerik Lyaport "Manchester Siti"dan "An-Nasr"ga o'tadi. 29 yoshli futbolchining Saudiya klubiga ketishi haqida "shaharliklar"ning rasmiy sayti xabar bermoqda.

Oldinroq Lyaport "Manchester Siti" bilan xayrlashgandi. Himoyachi besh yarim yil davomida APLning top-klubida o'ynadi. Bu vaqt ichida Emerik 180 ta o'yin o'tkazib, 12 ta gol urdi va 4 ta golli uzatma berdi. Himoyachi ko'plab sovrinlarni qo'lga kiritdi, xususan, Chempionlar Ligasi kubogi.

Endi Lyaport Saudiya Arabistonida o'zini ko'rsatishga harakat qiladi. "Manchester Siti" futbolchiga kelgusi faoliyatida omad tiladi.