"Real" Pogba uchun "MYu"ga 80 mln evro va ikki futbolchidan birini berishi mumkin

"Real" klubi "Manchester Yunayted" yarimhimoyachisi Pol Pogbaga qiziqishini susaytirmayapti, deya xabar beradi Metro.

Manbaga ko'ra, Madrid klubi rahbariyati frantsiyalik futbolchi uchun 80 mln evro va Isko yoki Garet Byldan birini taklif qildi. Ammo manchesterliklar futbolchini sotmoqchi emaslar. Shu bilan birga, 26 yoshli futbolchining agenti Mino Rayola o'z mijozi uchun yangi klub qidirayotganini bir necha marta ta'kidlagan.

Avvalroq, Pogba o'zining sobiq jamoasi "Yuventus"ga qaytishi mumkinligi xabar qilingan. Uning Angliya klubi bilan shartnomasi 2021 yilgacha tuzilgan.