"Liverpul" yarim himoya borasida izlanishlarni to'xtatgani yo'q

"Liverpul" yarim himoyachi xarid qiladi. Xabarlarga ko'ra, mersisayd klubi "Bavariya" futbolchisi Rayan Gravenberxga 20 million funt taklif qilishga tayyor ekanini bildirgan. 21 yoshli yarim himoyachi 2022 yilning yozida "Ayaks"dan xarid qilingan edi.

U o'tgan mavsum davomida asosiy tarkibga kirishga qiynaldi. Shu sabab doimiy o'yin vaqti izlamoqda. Avvalroq "Liverpul" "Shtuttgart"dan Vataru Endoni xarid qilishi haqida xabar qilingandi.