Lukaku faqat "Yuventus"ga o'tmoqchi

"Chelsi" hujumchisi Romelu Lukaku faqat Turinning "Yuventus" klubiga o'tmoqchi va faoliyatini davom ettirish uchun boshqa variantlarni ko'rib chiqmayapti.

Tuttosport nashri xabariga ko'ra, belgiyalik forvard hamon transfer oynasi yopilguncha "keksa sinora" safiga ko'chib o'tishga umid qilmoqda.

Lukaku "Chelsi"ning 50 million evrolik talabini qondirishga tayyor bo'lgan Saudiya Arabistoni klublari uchun qiziq. Biroq, Romelu faqat "Yuventus"ga o'tishni xohlaydi. Agar Italiya klubi kelishuvni yakunlay olmasa, belgiyalik hujumchi Saudiya Arabistoniga ko'chib o'tish imkoniyatiga ega, chunki bu mamlakatda transfer oynasi Evropaga qaraganda uzoqroq davom etadi.