Buffon ertaga «Yuventus»da tibbiy ko'rikdan o'tadi

Italiyalik darvozabon Janluidji Buffon tez kunlarda "Yuventus" a'zosiga aylanadi. Bu haqda jurnalist Janluki Di Martsio o'z sayti orqali xabar tarqatdi.

Manbaga ko'ra, futbolchi 4 iyul kuni turinliklar safida tibbiy ko'rikdan o'tadi. Avvalroq Buffon "keksa sinora" bilan 1 yillik shartnoma imzolashi haqida xabar tarqatilgandi. Uning yillik maoshi 1,5 million evroga teng bo'ladi.

Buffon 17 yil davomida «Yuventus» sharafini himoya qilib, 2018 yilning yozida erkin agent sifatida «PSJ»ga o'tgan edi. Liga 1 musobaqasida italiyalik futbolchi 17ta o'yinda maydonga tushib, Frantsiya chempioniga aylandi. Mavsum yakunlanganidan keyin Buffon «PSJ»ni tark etdi.