«Barselona» de Yong va Grizmanning taqdimot marosimini qachon o'tkazishi ma'lum bo'ldi

"Barselona" klubi yangi futbolchilarning taqdimot marosimini qachon o'tkazishi aniq bo'ldi. Bu haqda Sport.es xabar tarqatdi.

Manbaga ko'ra, kataloniyaliklar 5 iyul kuni Frenki de Yongni muxlislarga tanishtiradi. 11 iyul kuni esa, katta ehtimol bilan, hujumchi Antuan Grizmanning taqdimot marosimi bo'lib o'tadi.

Eslatib o'tamiz, gollandiyalik futbolchi bilan yanvar oyida shartnoma imzolangan bo'lsa, frantsiyalik futbolchining transferi hali rasman amalga oshmadi.