"Galasaroy" "PSJ" bilan kelishuvga erishdi, lekin Paredes "hunar" ko'rsatmoqda

Kuni kecha "Galatasaroy" "PSJ" bilan yarim himoyachi Leandro Paredesning transferi shartlarini kelishib oldi.

Biroq 29 yoshli argentinalik futbolchi "Roma"ga o'tmoqchi. Insayder Fabritsio Romanoning ijtimoiy tarmoqlarda xabar berishicha, endi Paredes Rim klubining "PSJ" bilan muzokaralar olib borishini kutmoqda.

Avvalroq Paredes "Roma" bilan shaxsiy shartnoma shartlarini kelishib olgani haqida xabar berilgandi.

O'z vaqtida Leandro Paredes "Roma"da o'ynagan. Argentinalik futbolchi ushbu klub safida 54 ta o'yinda maydonga tushib, 4 ta gol va sheriklari safida 2 ta golli uzatmani amalga oshirgan.

Transfermarkt portali Paredesni 12 million evroga baholamoqda.