"Tottenxem" prezidenti "Bavariya"ning so'nggi taklifiga javob bermay, Mayamiga dam olgani ketib qoldi

"Tottenxem" prezidenti Daniel Levi "Bavariya"ning Xarri Keyn borasidagi taklifini rad etdi.

Kecha Myunxen klubi angliyalik hujumchi uchun 100 million evrodan oshgan yakuniy taklif bilan chiqdi. Shuningdek, "Bavariya" "Tottenxem"ga taklifga javob berish uchun yarim tunni dedlayn etib belgiladi.

Levi belgilangan muddatga e'tibor bermadi va Bild nashri xabariga ko'ra, oilasini olib ikki hafta Mayamid dam olgani ketib qolgan. Qayd etilishicha, "Tottenxem" rahbari shu yo'l bilan hujumchi uchun ko'proq pul olmoqchi.