Kompani o'z jamoasiga "Ayaks" futbolchisini olib kelmoqchi

"Byornli" bosh murabbiyi Vensan Kompani Amsterdamning "Ayaks" futbolchisi Muhammad Daramini o'z klubi safiga qo'shilishini istamoqda.

Insayder Fabritsio Romanoning so'zlariga ko'ra, klublar allaqachon futbolchini doimiy ravishda transfer qilish bo'yicha muzokaralarni boshlab yuborishgan. Qayd etilishicha, Kompani yosh futbolchini o'z klubi uchun transfer bozoridagi asosiy maqsad deb biladi.

Darami endigina 21 yoshda va 2021 yilning yozidan buyon "Ayaks"ga tegishli. Daniyalik o'tgan mavsumni "Kopengagen"da ijara asosida o'tkazdi va u bilan birga mamlakat chempioniga aylandi.

Transfermarkt portali 21 yoshli chap qanot himoyachisini 6 million evroga baholamoqda. Amaldagi shartnoma futbolchini "Ayaks" bilan yana 3 yilga bog'laydi.