Kaysedo "Brayton"dan ketmoqchi ekanligini tasdiqladi

"Brayton" yarim himoyachisi Moises Kaysedo yozda jamoani tark etmoqchi ekanligini tasdiqladi.

Kaysedo transfer bozorida "Chelsi"ning birinchi raqamli maqsadi hisoblanadi. "Ko'klar" Moyses uchun 80 million funt to'lashga tayyor, ammo "Brayton" esa 100 million funt sterling talab qilmoqda.

Kaysedoning o'zi allaqachon o'z xohish-istaklari haqida qaror qabul qilgan. 21 yoshli ekvadorlik futbolchi ushbu transfer oynasida boshqa jamoaga o'tish niyatida.

Sussex World nashri ma'lumotlariga ko'ra, Kaysedo kecha "Briyton"ning 2022/23 yilgi taqdirlash marosimida mehmonlar bilan gaplashganda, bu istakni bir necha bor tasdiqlagan.

Kaysedo o'tgan mavsumda "Brayton"ning 37 ta o'yinida qatnashdi va muxlislar tomonidan yilning eng yaxshi o'yinchisi deb topildi.