"Liverpul" va "Sautgempton" 50 millionlik futbolchi borasida muzokaralarni davom ettirmoqda

"Liverpul" yarim himoyachi borasida muzokaralarni davom ettiradi. Fabritsio Romano bergan xabarga ko'ra, mersisayd klubi va "Sautgempton" bugun ham Romeo Laviya borasida aloqa qilgan.

"Liverpul" 19 yoshli futbolchi uchun 42.5 million funt to'lashga tayyor. Shuningdek, 2.5 million funt bonuslar ko'rinishida taqdim etilishi haqida xabar qilingan edi.

Shunga qaramay, "Sautgempton" 50 million funtlik talabidan hal qaytgani yo'q. Laviyaga "Arsenal" va "Chelsi" ham qiziqish bildirgan edi.