"Barselona"ga o'tishi kerak bo'lgan "Chelsi" tarbiyalanuvchisi Belgiyaga yo'l oldi

Fabritsio Romanoning xabariga ko'ra, "Anderlext" 18 yoshli hujumkor yarim himoyachi Tyudor Mendel-Idovu bilan shartnoma imzolashga yaqin turibdi.

Tyudor 8 yoshidan boshlab "Chelsi" tizimida bo'lgan va London klubining barcha yoshdagi yoshlar jamoalarida o'ynagan, biroq yozda erkin agentga aylangan.

Qayd etilishicha, futbolchi allaqachon "Barselona" bilan og'zaki kelishuvga erishgan va kataloniyaliklarning o'rinbosarlari safida o'ynashga yaqin turgandi, biroq Belgiya klubidan kelgan taklifdan so'ng futbolchi o'z qarorini o'zgartirgan.

Manbaning xabariga ko'ra, kelishuvning bajarilishi yakuniy bosqichda.