«Barselona» va PSJ «asr almashtirishi»ni amalga oshirishi mumkin

“Barselona” yarim himoyachisi Filippe Koutino faoliyatini PSJda davom ettirishi mumkin deb yozadi Don Balon.

Kataloniya klubi parijliklar hujumchisi Kilian Mbappeni tarkibiga qo'shib olish uchun Koutinoni PSJga berib yubormoqchi. “Barselona” frantsuz klubiga 150 million evro hamda braziliyalik o'yinchini berish taklifi bilan chiqmoqchi.

Ma'lumki, PSJ etakchisi Neymar va Koutinyo Braziliya terma jamoasida birgalikda to'p suradi va ular juda qalin do'st. Koutinoning olib kelinishi esa Neymarning PSJda qolishiga yordam beradi, deb hisoblamoqda klub rahbariyati. Avvalroq Madridning “Real” klubi Neymarga qiziqish bildirayotgani haqida xabarlar tarqalgandi.

Neymar Liga 1'da 12 ta o'yinda o'tkazdi, 11 ta gol urdi va 6 ta golli pas berdi. Mbappe hisobida esa 13 ta gol va 8 ta golli uzatma mavjud. Koutinyo La Ligada 15 ta o'yin o'tkazib, 4 ta gol urdi va 1 ta golga uzatma berdi