«Inter» Lukakuni ijaraga olmoqchi

“Inter”yaqin vaqt ichida “Manchester Yunayted” bilan Romelu Lukakuning transferi borasida muzokarani boshlaydi.

Italiya klubi belgiyalik futbolchini 60 mln evro evaziga sotib olish sharti bilan ikki yilga ijaraga olmoqchi, ijaraga olgani uchun esa 10 mln evro taklif qilmoqchi.

Klublar vakillari tez orada ushbu masalani muhokama qilish uchun uchrashishadi. Belgiyalik futbolchi ham “neradzurrilar” safiga o'tishga qarshi emas.

Ma'lumot o'rnida, o'tgan mavsum 26 yoshli futbolchi Angliya chempionatida 32 ta o'yinda maydonga tushib 12 ta gol urishga muvaffaq bo'ldi.