Bonuchchining xizmati "Latsio"ga taklif qilindi, lekin rimliklar buni rad etdi

"Yuventus" himoyachisi Leonardo Bonuchchining agentlari 36 yoshli futbolchi uchun yangi jamoa izlashda davom etmoqda.

Avvalroq turinliklar markaziy himoyachini o'z rejalariga kiritmagani ma'lum bo'lgandi, shu sababli u transferga qo'yilgan va jamoadan alohida mashg'ulotlarga jo'natilgan.

Jurnalist Nikolo Skiraning so'zlariga ko'ra, Bonuchchi "Latsio"ga tklif qilingan. Ammo Leonardoning transferi klub prezidenti Klaudio Lotito uchun ustuvor vazifa emas.

Bonuchchi "Yuventus"da 2010 yildan beri o'ynab kelayotgandi. 2017 yilda himoyachi bir mavsumga "Milan"ga ko'chib o'tgan va "Yuventus"ga qaytib kelgandi.