Kilian Mbappe Terri Anri yo'lidan bormoqchi. "Arsenal"da esa uni sotib olish uchun ajoyib imkoniyat paydo bo'ldi

"PSJ" futbolchisi "Arsenal"ga yo'l olishi mumkin. Xabarlarga ko'ra, Kilian Mbappening Yaponiya sayohatiga olib ketilmasligi, Mikel Arteta jamoasida 24 yoshli hujumchini olib kelishda katta imkonni paydo qilgan.

"PSJ" Mbappeni shu yozda sotilishini ma'lum qilgan edi. Mbappening o'zi "Real"ga o'tishni istaydi. Ammo u APLga o'tsa, hujumchi uchun "Arsenal" birinchi tanlov bo'ladi. Jahon chempioni Arteta jamoasining o'yin uslubini yoqtiradi.

Qolaversa, Mbappe yoshligidagi eng yaxshi ko'rgan futbolchilaridan biri Terri Anri borgan yo'ldan borishni sharaf deb biladi. Biroq, "Arsenal" uchun uning narxi muammo bo'lishi mumkin. Negaki, jamoa hozirga qadar 200 million funtdan ortiq mablag' sarfladi.