"Barselona" Feliks uchun "Atletiko"ga o'zining ikkita futbolchisini berish variantini ko'rib chiqmoqda

"Barselona" "Atletiko" hujumchisi Joau Feliksni ijaraga emas, balki to'liq sotib olishi mumkin.

23 yoshli portugaliyalik futbolchining o'zi kataloniyaliklar jamoasiga o'tishni istamoqda.

Corriere Della Serra narshi xabariga ko'ra, kelishuv shartnomasiga Frank Kesse va Ferran Torres kiritilishi mumkin.

"Barselona" o'tgan yozda Kesseni tekinga qo'lga kiritgandi, unga Saudiya Arabistoni klublari va "Yuventus" ham qiziqish bildirmoqda. Ferran uchun 2022 yilning qishida 55 million evro to'langan.

O'tgan mavsumning ikkinchi yarmida Feliks "Chelsi"da ijara asosida o'ynab, 20ta o'yinda 4ta gol urdi.