Arturning "Yuventus"dan "Fiorentina"ga o'tish shartlari ma'lum bo'ldi

Yarim himoyachi Artur Melo "Yuventus"dan "Fiorentina"ga o'tmoqda.

Insayder Fabritsio Romanoning ijtimoiy tarmoqlarda xabar berishicha, "binafsharanglilar" braziliyalik futbolchini 3-4 million evro evaziga ijaraga olishadi. A Seriya klublari o'rtasidagi kelishuv keyinchalik 20 million evroga sotib olish variantini o'z ichiga oladi.

Avgust oyida 27 yoshga to'ladigan Artur Melo juma kuni tibbiy ko'rikdan o'tishi kerak. Hech qanday muammo aniqlanmasa, transfer yakunlanadi.

Eslatib o'tamiz, 2022/2023 yilgi mavsumda Artur Melo vaqtinchalik "Liverpul" sharafini himoya qilgan. Biroq braziliyalik futbolchi Premer-liganing top-klubida deyarli o'ynamadi.