"Yuventus" "Barselona"ga Kesse evaziga Kezani berishi mumkin

Turinning "Yuventus" klubi "Barselona" yarim himoyachisi Frenk Kesseni qo'lga kiritish yo'lini topdi.

Calciomercato nashri xabariga ko'ra, "keksa sinora" ivuarlik futbolchi evaziga o'z hujumchisi Federiko Kezani taklif qilishga tayyor.

Manbaning xabar berishicha, "Yuventus" rahbariyati hali yangi shartnoma imzolashni xohlamayotgan Keza bilan xayrlashishga qarshi emas. "Barselona" bunday transferga jiddiy qiziqish bildirishi mumkin, chunki italiyalik futbolchi hujumda o'zgaruvchanlikni qo'shishi mumkin.

Eslatib o'tamiz, Kesse avvalroq "Atalanta" va "Milan" klublari sharafini himoya qilgan A Seriyaga qaytishga tayyor.