Zommer "Bavariya"ning o'rtoqlik o'yinini o'tkazib yuboradi

Seshanba kuni "Bavariya" yozdagi ilk o'rtoqlik uchrashuvini o'tkazadi.

Tomas Tuxel jamoasiga "Rottax-Egern" jamoasi raqiblik qiladi. Insayder Fabritsio Romano xabariga ko'ra, darvozabon Yan Zommer myunxenliklar safida o'ynamaydi.

Bu, ehtimol, shveytsariyalikning ketishi mumkinligi bilan bog'liqdir, chunki, "Inter" Zommerni imkon qadar tezroq sotib olishga umid qilmoqda. Milanliklarga Andre Onana o'rnini bosadigan darvozabon kerak.

Yan Zommer qishda “Bavariya”ga ko'chib o'tdi. U 25 ta o'yin o'tkazib, 31 ta gol o'tkazib yuborgan.

Transfermarkt portali 34 yoshli Yann Zommerni 5 million evroga baholamoqda.