Turkiya klubi "Milan"ning sobiq hujumchisi bilan shartnoma imzoladi

Turkiyaning “Istanbul Bashakshexir” klubi hujumchi Kshishtof Pyontekni o'z safiga qo'shib olganini e'lon qildi. 28 yoshli polshalik hujumchi uch mavsumga mo'ljallangan shartnomani imzoladi.

Bir vaqtlar Pyontekning kelajagi buyukligi bashorat qilingan edi. Pollshalik hujumchi yangi Andrey Shevchenko deb atalgandi, ammo u Milanda o'ynay olmadi. "Rossonerilar" safida umidlarni oqlay olmagan Kshishtof "Gerta", "Fiorentina" va "Salernitana"da o'ynashda davom etdi. Endi polshalik hujumchi Turkiyada o'zini ko'rsatishga harakat qiladi.

Eslatib o'tamiz, Turkiyaning so'nggi chempionatida “Istanbul Bashakshexir” beshinchi o'rinni egalladi.